ஓரல் செக்ஸ் (வாய்வழிப் புணர்ச்சி) கேன்சருக்கு வழிவகுக்கிறதா? உலகம் முழுவது இப்படி வாயால் கெட்டவர்கள் 600 மில்லியன் பேராம்! எச்சரிக்கைச் செய்தி!!!

சாதாரணமான உடலுறவு என்பதைத் தாண்டி வாய்வழி செக்ஸ் என்பது அதிகம் விரும்பப்படும், பாலியல் உணர்வைத் தூண்டக்கூடிய ஒரு வழிமுறையாக இருந்து வருகிறது. மனித இனம் கண்டதிலேயே கொடிய பால்வினை நோயான எயிட்ஸ் கூட வாய் வழிப் புணர்ச்சியின் மூலமாக பரவுவதில்லை என்பது நிரூபிக்கப்பட்ட ஒன்று. வாயில் இருக்கும் புண்கள் மூலமாக சிலர் பாதிக்கப்பட்டது விதிவிலக்காகும். 

முறையாக உடல் உறவில் ஈடுபட முடியாதவர்கள், கர்ப்பகாலங்களில் உடலுறவில் ஈடுபடுபவர்கள், மற்றும் இயல்பாகவே வாய்வழிப் புணர்ச்சியில் ஈடுபடுவர்கள் என்று பலரும் இந்த பாலுறவு செய்கையில் உலகம் முழுவதும் ஈடுபட்டு வருகின்றனர். இதுநாள் வரையில் இது சுகாதரக் குறைவான ஒன்று என்றுதான் மருத்துவ உலகம் எச்சரித்து வந்துள்ளதே தவிர நோயைப் பரப்பும் ஒன்று என்று எங்குமே நிறுவியதில்லை. 

HIV ஐ விடுங்கள் HPV என்றால் என்ன என்று தெரியுமா? 

ஹுமன் பாப்பிலோமா வைரஸ் (HPV) என்பது வாய்வழிப் புணர்வின் மூலமாக மனிதர்களிடையே பரவும் வைரஸ் என்று அடையாளம் காணப்பட்டுள்ளது. இந்த HPV வைரஸானது புற்றுநோயை உண்டாக்கக் கூடியது என்றும் அறியப்பட்டுள்ளது. 

உலகளவில் 600 மில்லியன் HPV வழக்குகள் இருப்பதாக WHO மதிப்பிட்டுள்ளது. இது மிகவும் பரவலான பாலியல் உறவின் மூலமாக பரவும் நோய்த்தொற்று (STI) ஆகும். கிட்டத்தட்ட உடலுறவில் தொடர்ந்து ஈடுபடும் ஒவ்வொரு நபரும் தங்கள் வாழ்வின் ஒரு கட்டத்தில் HPV நோயால் பாதிக்கப்படுகின்றனர்.

HPV பொதுவாக பாதிப்பில்லாதது என்றாலும், அது பிறப்புறுப்பு மருக்கள், கர்ப்பப்பை வாய்ப் புற்றுநோய் மற்றும் குத, வாய்வழி மற்றும் ஆண்குறி புற்றுநோய்களுக்கு வழிவகுக்கும்.

HPV பற்றி விழிப்புணர்வே நம்மிடம் கிடையாது என்பதே உண்மை!

அமெரிக்கன் அசோசியேஷன் ஃபார் கேன்சர் ரிசர்ச் நிறுவனத்தில் உள்ள ஆய்வாளர்கள் இந்த HPV பற்றிய விழிப்புணர்வு இல்லாமை பற்றிய கவலைகளை வெளிப்படுத்தினர். 

கடந்த ஏப்ரல் மாதம் நடந்த அதன் வருடாந்திர கூட்டத்தின் போது, ​​HPV பற்றி மூன்றில் இரண்டு பங்கு மக்களுக்கு மட்டுமே தெரியும் என்று உறுப்பினர்கள் எடுத்துரைத்தனர். 2014 முதல் 2020 வரை நடத்தப்பட்ட 2,000 பெரியவர்களிடம் நடத்தப்பட்ட ஆய்வில், HPV மற்றும் சில வகையான புற்றுநோய்களுடன் அதன் தொடர்புகள் பற்றிய குறைந்த விழிப்புணர்வு மட்டுமே வெளிப்படுத்தப்பட்டது.

 மேலும் இந்த  நோயைப் பற்றிய அறிவு குறைந்து வருவதாகத் தெரிகிறது. HPV பற்றி கேள்விப்பட்டவர்களில், 70.2% பேர் இது கர்ப்பப்பை வாய்ப் புற்றுநோயுடன் தொடர்புடையது என்றும் மற்ற வகை புற்றுநோய்களுக்கு காரணமில்லை என்றும் கருதி வந்துள்ளனர். 

உண்மையில் HPV என்றால் என்ன? 

மனித பாப்பிலோமா வைரஸ் மிகவும் பொதுவான பாலியல் பரவும் நோய்த்தொற்றுகளில் ஒன்றாகும் (STI). 

வைரஸ் உள்ள ஒருவருடன் யோனி அல்லது குத உடலுறவின் போது வைரஸ் பொதுவாக பரவுகிறது, இருப்பினும், உடலுறவின் போது (வாய்வழி உடலுறவு உட்பட) மற்றும் செக்ஸ் பொம்மைகளைப் பகிர்ந்து கொள்ளும் போது தோலிலிருந்து தோலுக்கு நெருக்கமான தொடர்பு மூலமாகவும் இது பரவுகிறது.

HPV பெண்கள் உடலில் ஏற்படுத்தும் அறிகுறிகள் என்ன? 

வெளிப்புற அறிகுறிகளாக அறியப்படுவது, பெண்களின் பிறப்புறுப்பைச் சுற்றி (பிறப்புறுப்பு மருக்கள்) கட்டிகளாக இருக்கலாம்.  அப்படியானால் நீங்கள் உங்கள் மருத்துவரிடம் சென்று பரிசோதிக்க வேண்டும். 

HPV வைரஸுக்கு நேரடி சிகிச்சை எதுவும் இல்லை, ஏனெனில் அது உடலில் செயலற்ற நிலையில் இருக்கும், ஆனால் HPV ஏற்படுத்தக்கூடிய உடல்நலப் பிரச்சனைகளுக்கு சிகிச்சைகள் உள்ளன.

பொதுவாக, உடல்கள் இரண்டு ஆண்டுகளுக்குள் HPV வைரஸை தானாகவே அழிக்கின்றன. மேலும் சில நிகழ்வுகள் மட்டுமே அறிகுறிகளை ஏற்படுத்துகின்றன அல்லது புற்றுநோய்களாக உருவாகின்றன. 

கர்ப்பப்பை வாய்ப் புற்றுநோய்க்கு HPV முக்கிய காரணம் என்றாலும், அதிக ஆபத்துள்ள HPV புண்களை உருவாக்கும் பெண்களுக்கு கர்ப்பப்பை வாய்ப் புற்றுநோயை உருவாக்கும் வாய்ப்பு 5-15% மட்டுமே உள்ளது, இது 8-10 ஆண்டுகள் வரை ஆகலாம் என்று மருத்துவ நிபுணர்கள் தெரிவிக்கின்றனர். 

தடுப்பு முறைகள் என்று எதுவுமில்லை!

சாதாரண பாலுறவுச் செயல்பாடுகளுக்கு தடுப்பு முறைகள் தற்போது உள்ளன. இதுபோன்ற வாய்வழிப் புணர்ச்சி முறைகளுக்கு எத்தகைய தடுப்பு முறைகளும் இதுவரை இல்லை. 

பெண் உடலில் காணப்படும் நோய் குறிகளை அடையாளம் கண்டு அவற்றிற்கான சிகிச்சைகளை எடுத்துக்கொள்வது மட்டுமே, புற்றுநோய் போன்ற உயிர்பலிகளை உண்டாக்கும் விளைவுகளைத் தடுக்கும் ஒரே வழியாக உள்ளது. 

HIV, எயிட்ஸ் மற்றும் STD போன்ற பாலியல் நோய் பற்றி இன்று பரவலாக விழிப்புணர்வு உள்ளது. இந்த HPV பற்றியும் பொதுவெளியில் நாம் விவாதிக்க வேண்டியது அவசியமாகும்.