சந்திரனின் பார்க்கப்படாத பக்கங்களை வெளியிட்ட சந்திராயன் – 3..! தரையிறங்கும் முன்பே அதகளம்..!!

வரும் ஆகஸ்டு 23 ஆம் தேதி நிலவில் தரையிறங்க இருக்கும் சந்திராயன் – 3 விண்கலமானது தரையிரங்குவதற்கான முன்னேற்பாடுகளில் ஈடுபட்டு வருகிறது. அப்போது எடுக்கப்பட்ட புகைப்படங்களை இஸ்ரோ தனது ட்வீட்டர் பக்கத்தில் வெளியிட்டுள்ளது. 

தரையிறங்கும் முன்பான சோதனைகள்

 ஜூலை 14 ஆம் தேதி விண்கலம் ஏவப்பட்டதைத் தொடர்ந்து, ஆகஸ்ட் 23 ஆம் தேதி நிலவின் மேற்பரப்பில் விண்கலத்தைத் தரையிறக்க முயற்சிக்கும் திட்டத்தை இஸ்ரோ முன்பு அறிவித்தது.

சந்திரயான்-3 நிலவின் அறியப்படாத பகுதிகளின் படங்களை கடந்த சனிக்கிழமை (ஆக. 19) எடுக்கத்தொடங்கியது. பல்வேறு அளவிலான நிழல்கள் மற்றும்  குளிர்ந்த நிலையில் உள்ள சந்திரன் எரிமலைகள், கடல் போன்ற பரந்த பள்ளத்தாக்குகள் உட்பட பல புவியியல் அம்சங்களை அப்புகைப்படங்கள் காட்டுகின்றன . 

“டைடல் லாக்கிங்” காரணமாக சந்திரனின் தொலைதூரப் பக்கம் பூமியை எதிர்கொள்வதில்லை. நமது பூமியின் ஈர்ப்பு பல பில்லியன் ஆண்டுகளாக சந்திரனின் சுழற்சியை மெதுவாக்குகிறது. சந்திரன் பூமியைச் சுற்றி வர எடுக்கும் அதே நேரத்தில் அதன் அச்சில் ஒரு சுழற்சியை நிறைவு செய்கிறது. எனவே நிலவின் மறுபக்கம் பூமிக்கு தெரிவதே இல்லை. 

LHDAC கேமரா – குறிப்பிடத்தக்க அம்சம்!

சந்திரயான்-3 இன் லேண்டரில் உள்ள அபாயம் கண்டறிதல் மற்றும் பாதுகாப்பு கேமரா (LHDAC) மூலம் புதிய படங்கள் எடுக்கப்பட்டுள்ளன .இந்த திட்டத்தின்படி,  விக்ரம் லேண்டரை சந்திர மேற்பரப்பில் இறங்கும் போது பாதுகாப்பான தரையிறங்கும் இடத்திற்கு வழிகாட்ட உதவும் வகையில் இந்த கேமரா வடிவமைக்கப்பட்டுள்ளது. 

“பாறைகள் அல்லது ஆழமான அகழிகள் இல்லாமல் – பாதுகாப்பான தரையிறங்கும் பகுதியைக் கண்டறிய உதவும் இந்த கேமரா, இஸ்ரோவால் உருவாக்கப்பட்டது” என்று இஸ்ரோ பெருமையாகத் தெரிவித்துள்ளது.

சந்திரயான்-3 எங்கே இறங்கப்போகிறது?!

சந்திரயான்-3 புதன்கிழமை (ஆக. 23) காலை 8:34 மணியளவில் EDT (1234 GMT மற்றும் 18:04 இந்திய நேரம்) தரையிறங்க திட்டமிடப்பட்டுள்ளது. சந்திரனின் தென் துருவத்திற்கு அருகில் 69.37 டிகிரி தெற்கு அட்சரேகை மற்றும் 32.35 டிகிரி கிழக்கு தீர்க்கரேகையில் தரையிறங்கும் தளத்தை விண்கலம் குறிவைக்கிறது . இஸ்ரோவின் கூற்றுப்படி, இந்த முயற்சியின் நேரடி ஒளிபரப்பு சுமார் 45 நிமிடங்களுக்கு முன்னதாக தொடங்கும்.

சந்திரயான்-3 வின் போட்டியான ரஷ்யாவின் லூனா-25..!

சந்திரயான்-3 இப்போது சந்திரனின் தென் துருவத்திற்கு அருகில் மெதுவாக தரையிறங்கும் முயற்சியில் உள்ளது. இது ரஷ்யாவின் லூனா-25 லேண்டருடன் பந்தயத்தில் இருப்பதாக பலரால் கருதப்பட்டது. ஆனால் லூனா-25 சனிக்கிழமை (ஆக. 19) தோல்வியுற்ற சுற்றுப்பாதை பயணத்தைத் தொடர்ந்து  சந்திரனில் மோதியது .

சந்திரனில் தரையிறங்குவதற்கான இந்தியாவின் முதல் முயற்சி 2019 இல் தொடங்கியது. சந்திரயான்-2 லேண்டர் சில பிரச்சனைகளைச் சந்தித்தது. மேலும், சந்திரயான்-2 சந்திர மேற்பரப்பில் கடுமையாக மோதியது.  சந்திரயான்-3 லேண்டர் சந்திரயான்-2 திட்டத்தில் இருந்து ஆர்பிட்டருடன் இருவழித் தொடர்பை ஏற்படுத்தியதாக இஸ்ரோ திங்களன்று கூறியது .

சந்திரயான்-3 இன் ரோவர்கள்

சந்திரயான்-3 ஜூலை 14 அன்று பூமியின் உயர்நீள்வட்ட சுற்றுப்பாதையில் ஏவப்பட்டது. அதற்கு முன்பு படிப்படியாக அதன் சுற்றுப்பாதையை உயர்த்தி சந்திர பாதையில் தன்னைச் செலுத்திக்கொண்டது. அதன் சுற்றுப்பாதையை வட்டமிடுவதற்காக தொடர்ச்சியாக முயன்று ஆகஸ்ட் 5 அன்று சந்திர சுற்றுப்பாதையில் வெற்றிகரமாக நுழைந்தது .

பிரக்யான் என்ற சிறிய ரோவரை ஏற்றிச் செல்லும் விக்ரம் லேண்டர், ஆகஸ்டு 17 அன்று உந்துவிசை மாட்யூலில் இருந்து பிரிக்கப்பட்டது. சந்திராயன் – 3  வெற்றிகரமாக தரையிறங்கினால், விக்ரம் மற்றும் பிரக்யான் ஆகிய ரோவர்கள் கிட்டத்தட்ட முழு சந்திர பகல் நேரத்தை (சுமார் 14 பூமி நாட்கள்)  ஆய்வு செய்யக்கூடும்.

சந்திரயான்-3 இந்தியாவின் பெருமை!

சந்திராயன் -3 வெற்றிகரமாக தரையிறங்கினால், அமெரிக்கா, முன்னாள் சோவியத் யூனியன் மற்றும் சீனாவுக்குப் பிறகு இதுபோன்ற சாதனையை நிகழ்த்திய நான்காவது நாடாக இந்தியா மாறும். ஆனால் அந்த பட்டியல் வளர்ந்துகொண்டே இருக்கும் ஒன்று. ஜப்பானின் ஸ்மார்ட் லேண்டர் ஃபார் இன்வெஸ்டிகேட்டிங் மூன் (SLIM) ஆகஸ்ட் 26 அன்று தனேகாஷிமா விண்வெளி மையத்தில் இருந்து H-2A ராக்கெட்டில் ஏவப்பட உள்ளது என்பதையும் நாம் தெரிந்துகொள்ளவேண்டியுள்ளது.